Марворид Қосимова

Марворид Қосимова
Марворид Қосимова
	русӣ: Касымова Маргарита Наимовна
Ном ба ҳангоми таваллуд:	Қосимова Марворид Наимовна
Таърихи таваллуд:	10 апрел 1938
Зодгоҳ:	Сталинобод, ҶШС Тоҷикистон, ИҶШС;
Таърихи даргузашт	4 июн 2024 (86 сол)
Маҳалли марг:	Минск, Беларус;
Шаҳрвандӣ:	ИҶШС; Тоҷикистон;
Касб:	ҳунарпеша, коргардони филм, филмноманавис
Корнома:	аз 1967
Ҷоизаҳо:	Ходими шоистаи ҳунари ҶШС Тоҷикистон (1976)
IMDb:	ID 0441063

Марворид Қосимова (Қосимова Марворид Наимовна, русӣ: Маргарита Наимовна Касымова; 10 апрел 1938, Сталинобод — 4 июн 2024, Минск) — ҳунарпешаи тоҷик, шӯравӣ ва белорус, коргардони филм, филмноманавис. Ходими шоистаи ҳунари Тоҷикистон (1976).

Зиндагинома[вироиш | вироиши манбаъ]

Марворид Қосимова 10 апрели 1938 дар шаҳри Сталинобод ба дунё омадааст^[1]. Институти давлатии умумиитифоқи кинематографияи шаҳри Маскавро соли 1962 ба итмом расонда, қариб 30 сол дар «Тоҷикфилм» ба сифати коргардон кор кардааст.

Ӯ дар даврони ҷанги шаҳрвандии Тоҷикистон кишварро тарк кард ва 30 соли охир дар Белорус зиндагӣ мекард. Вай дар шаҳри Минск ҳам ба фаъолияти эҷодии хеш идома дода, корманди “Белорусфилм” буд ва дар ин кишвар низ қариб 10 филми бадеиву ҳуҷҷатӣ сабт кардааст.

Ҳамчунин, дар Белорусия ба фаъолияти педогогӣ машғул шуда, коргардонҳои ҷавонро тарбия мекард^[2].

Эҷодиёт[вироиш | вироиши манбаъ]

Ҳангоми донишҷӯӣ (соли 1959) филми ҳуҷҷатии «Қалби яқини Помир» — ро таҳия кард, ки писанди умум афтод. Минбаъд филмҳои бадеӣ ва ҳуҷҷатиро якзайл таҳия намудааст.

Филмҳои бадеӣ[вироиш | вироиши манбаъ]

Филмҳои бадеиаш — «Тобистони соли 43-юм», «Ҷӯра-Саркор», «Роҳҳо гуногун мешаванд», «Чор нафар аз Чорсанг» (2 қисм), «Бофандадухтар», «Буд-набуд, дар синфи якум буд», «Имрӯз ва ҳамеша», «Чашмаи гуё», «Пайи динозавр куҷо мебарад?», «Марди мутааллиқи ду зан», «Ишқ баъди сад сол» дар кинои тоҷик ҷои хос доранд.

Филмҳои ҳуҷҷатӣ[вироиш | вироиши манбаъ]

Филмҳои ҳуҷҷатии «Бародари ман Ғулом», «Ибни Сино», «Зебо», «Сарчашма», «Саҳифаҳои албоми куҳна», «Кишвари ман», «Роҳи баробари умр», «Бо роҳи охирин», «Фарёд», «Роҳи сафед» ва ғайраҳо аз маҳорати баланди таҳиягариаш дарак медиҳад. Бисёр сужаҳои киножурнали ҳаҷвии «Калтак»-ро коргардонӣ кардааст.